Esta semana os profesores do Colexio Monterrey rematamos a nosa formación do trimestre. Nestas sesións, o noso formador Pedro Rodríguez axudounos a ter un pouco máis claras nosas fortalezas e potencialas, así como a ver as nosas debilidades para poder seguir mellorando cada día.
En Secundaria repasamos matemáticas dunha maneira lúdica e divertida utlizando móbiles.
Neste trimestre traballamos a empatía no Colexio Monterrey. Os alumnos de 5º de primaria chegaron á conclusión: “se empatizas serás máis feliz”
Os alumnos de 2 de primaria plasmaron en murais algunhas festas que se celebran na nosa comunidade, entroidos, festas gastronómicas, San Xoán …. A todos gústannos as festas!!! A ti non?
En 3º de primaria xogamos en equipo construindo figuras con tangram para traballar a intelixencia espacial e a cooperación.
TÉCNICAS DE ESTUDO.
Aprendendo a facer esquemas temos unha guía visual para aprender.
A segunda semana de Setembro, todo o claustro recibiu, de mans de dous profesionais da fundación Menela e dentro do proxecto denominado “Coñece o TEA”, financiado polo Ministerio de Sanidade, Servizos Sociais e Igualdade, unha charla formativa sobre o Trastorno do Espectro Autista, para abrirnos un pouco máis os ollos aos docentes sobre este trastorno. Consideramos de suma importancia que todo o profesorado faga un recordatorio, profunde e coñeza os avances na investigación do amplo abanico de dificultades coas que se pode atopar este alumnado, para poder abordar o seu proceso de ensino- aprendizaxe do modo máis produtivo. As relatoras tentaron que comprendésemos como nos perciben estes alumnos e alumnas, e facilitáronnos estratexias que nos axudarán no noso día a día. Ademais, temos o privilexio de contar cun Equipo Psicopedagógico moi formado neste aspecto, e coa colaboración dos pais dos nosos alumnos TEA.
