En Primaria despedimos o curso cunha xornada en Aventura Dakart, onde a diversión e a emoción foron as protagonistas. Os nenos e nenas lanzáronse pola impresionante tirolina sobre o lago, navegaron en canoas, superaron circuítos entre árbores, puxeron a proba a súa puntería no minigolf e desfrutaron do gran tobogán, alén de moitas outras actividades ao aire libre rodeados de natureza.
