TEATRO EN PRIMARIA

Os alumnos de 3º e 4º de Primaria asistimos ao divertido concerto didáctico “ O máxico Planeta dos Instrumentos insólitos”, do grupo musical Fetén Fetén. Fixéronnos viaxar no tempo a través de diferentes ritmos e melodías da música popular española e de estilos musicais traídos doutros lugares, así como tamén, con instrumentos creados polo pobo con elementos reutilizables e instrumentos da historia da música. Pasamos un intre moi divertido, sorrindo, cantando e bailando… valorando as cousas que unen aos seres humanos, sendo a música, unha ferramenta de unión moi importante para a convivencia.

INFANTIL

O uso das novas tecnoloxías complementan e reforzan os temas traballados nas distintas materias. Son unha ferramenta moi atractiva para os nenos. Neste vídeo podemos ver como os alumnos de 6°de Educación Infantil traballan divertíndose cos ordenadores poñendo en práctica todos os seus coñecementos.

 

XORNADAS DE FORMACIÓN DO PROFESORADO

Os nosos profes continúan formándose, esta fin de semana tocoulles aos profes de infantil e á nosa profe de educación física. Asistiron a unha clase maxistral do gran “Manel”, na cal puideron ver e poñer en práctica diferentes propostas imaxinativas e motivadoras que levarán á práctica.

IV CROSS FRIÁN

Seguimos recollendo trofeos!!! Nesta ocasión os gañadores foron os nosos atletas participando no IV CROS DE FRIÁN!!. ANDRÉ DÍAZ ALONSO quedou nun 2º posto na categoría alevín. ANTÍA SOTO FERNÁNDEZ 2º posto en categoría benjamín. ÁFRICA MARTÍNEZ DOCAMPO 3º posto en prebenjamín feminino. XOEL GARCÍA DOMÍNGUEZ 1º posto en pitufos 4 anos. CARLA GARCÍA DOMÍNGUEZ 1º en pitufos feminino. AINARA IGREXAS RIVEIRO 2º en pitufos feminino.
XIANA ABELEIRA MALFAZ, ALESSANDRO MÚJICA GARCÍA e ALBA FERNÁNDEZ LÓPEZ co seu gran esforzo fixeron unha gran carreira. Parabén a todos eles, e non esquezades nunca que o mellor trofeo é a vosa participación, a vosa ilusión e o voso esforzo.

VER FOTOS

El pase de diapositivas requiere JavaScript.

3º PREMIO EDUCACIÓN EN VALORES

Estamos MOI ORGULLOSOS E CONTENTOS porque o noso centro recibiu o 3 er premio na categoría Educación en valores, nos II Premios Provinciais á Mocidade organizado pola Deputación de Pontevedra. Presentamos a este certame “A nosa comisión de convivencia”, un proxecto global de Educación en valores que levamos anos desenvolvendo e enriquecendo. O eixo principal deste proxecto, é a Comisión de convivencia, formada polos delegados e subdelegados de todos os cursos de Secundaria, a orientadora, a xefa de estudos e a directora. Esta comisión reúnese semanalmente para poñer en común os aspectos para mellorar, pero tamén os logros conseguidos en cada curso representado. O tratado e acordado na reunión é recolleito nunha acta que se le ao resto dos alumnos. Un exemplo para seguir a actitude dos nosos alumnos: comprometidos, críticos e responsables. Parabéns a todos eles e á comunidade educativa por seguir facendo de cada día un novo reto e enchelo de logros.

El pase de diapositivas requiere JavaScript.

XORNADAS DE FORMACIÓN PARA O PROFESORADO

Esta semana os profesores do Colexio Monterrey rematamos a nosa formación do trimestre. Nestas sesións, o noso formador Pedro Rodríguez axudounos a ter un pouco máis claras nosas fortalezas e potencialas, así como a ver as nosas debilidades para poder seguir mellorando cada día.

 

 

Translate »