CHARLA FORMATIVA TEA

A segunda semana de Setembro, todo o claustro recibiu, de mans de dous profesionais da fundación Menela e dentro do proxecto denominado “Coñece o TEA”, financiado polo Ministerio de Sanidade, Servizos Sociais e Igualdade, unha charla formativa sobre o Trastorno do Espectro Autista, para abrirnos un pouco máis os ollos aos docentes sobre este trastorno. Consideramos de suma importancia que todo o profesorado faga un recordatorio, profunde e coñeza os avances na investigación do amplo abanico de dificultades coas que se pode atopar este alumnado, para poder abordar o seu proceso de ensino- aprendizaxe do modo máis produtivo. As relatoras tentaron que comprendésemos como nos perciben estes alumnos e alumnas, e facilitáronnos estratexias que nos axudarán no noso día a día. Ademais, temos o privilexio de contar cun Equipo Psicopedagógico moi formado neste aspecto, e coa colaboración dos pais dos nosos alumnos TEA.

DEPUTADOS POR UN DÍA

O noso Centro participa no pleno infantil no pazo do Hórreo. 80 cativos galegos reflexionaron sobre o acoso escolar e fixeron varias propostas que se comprometeron a cumprir.

Deputados de colexios das catro provincias galegas fixeron as súas propostas para frear o acoso escolar nas aulas. Despois chegou a reflexión, o debate, e o momento máis esperado: a votación, solemne e en urna.

O vicepresidente do hemiciclo encargouse do reconto de votos. Dos doce compromisos a escoller gañou por maioría o proposto pola provincia de Pontevedra (Colexio Monterrey): respectar a liberdade propia tanto como a dos demais.

DOCUMENTO PRESENTADO

 

DÍA DA PAZ

Celebramos o Día da Paz todos xuntos, cativos e maiores, saíndo a rúa para que o noso acto pola Paz sexa visto por todos e poidamos así contaxiar este desexo. Nestes días os alumnos prepararon palabras, frases, debuxos para expresar desexos de paz.

“O amor é mellor que o odio, a non violencia mellor que a violencia e a paz mellor que a guerra,”

“A paz comenza cun sorriso”

“A paz non se merca con diñeiro”

“As palabras doen, úsalas con coidado”

VER FOTOS

 

 

 

EDUCACIÓN EN VALORES

RAP CONTRA O RACISMO. CON GARCÍA MC (ex – Dios ke te Crew) & MÉDICOS DO MUNDO
Unha maneira divertida de unir os fundamentos da cultura Hip Hop coa loita polos dereitos humanos.

 

Para celebrar o día Internacional para a Eliminación da Violencia Machista os alumnos de 3º da ESO confeccionaron un mural que estivo exposto na Rúa do Príncipe xunto cos realizados por outros Centros deVigo.

img-20161125-wa0000

 

Translate »