Durante a mañá do pasado venres día 6 de maio, estivemos percorrendo a fermosa illa de Ons. Unha illa con moita historia que interesou moito ós nosos alumnos. Desde a Idade Media ós nosos trobadores xa lle cantaron nas súas composicións e alí temos unha pegada deles cunha escultura a tres dos principais: Mendinho, Martín Códax e Joan de Cangas.
Tamén atopamos unha serie de edificacións posteriores, e sobre todo do período franquista. O que máis nos deleitou foron as súas fermosas vistas.
