Este martes 18 os alumnos e alumnas da ESO estrearon o novo curso escolar cunha xornada de convivencia, co fin de mellorar a convivencia e o clima grupal, que entendemos é moi importante para a integración de tódolos alumnos e para crear un ambiente propicio e agradable para ensinar e aprender e así poder acadar mellores resultados académicos. A xornada consistiu en ir xuntos camiñando ata a zona da Etea , onde visitaron un pequeno museo (Marinetea) adicado á Escola de Marina. Aprenderon moitas cousas interesantes, grazas a antigos membros da devandita escola. Tamén houbo tempo de lecer no paseo que rodea toda a zona.