DEPARTAMENTO DE ORIENTACIÓN

No Colexio Monterrey, o Departamento de Orientación é o motor que impulsa o desenvolvemento integral de cada alumno e alumna. Traballamos man a man coas familias e o profesorado para que o alumnado alcance o seu máximo potencial afectivo, social e cognitivo.

¿Como axudamos aos nosos alumnos e alumnas?

Dacordo coa normativa educativa de Galicia sobre atención á diversidade e inclusión, o noso traballo organízase en tres áreas principais:

  • Orientación Educativa: Detectamos de forma temperá dificultades de aprendizaxe (TDAH, TEA, dislexia…) e deseñamos programas de apoio personalizados.
  • Orientación Vocacional: Axudamos a descubrir as preferencias de cada alumno/a e guiámolos na toma de decisións para o seu futuro laboral.
  • Orientación Persoal e Benestar: Traballamos o autocoñecemento, as habilidades sociais e a xestión emocional dende unha base de empatía e escoita activa.

Convivencia e Compromiso Social

Cremos nunha escola segura e comprometida. A través do noso Plan de Convivencia, fomentamos:

  1. Convivencia Pacífica: Prevención do acoso escolar e formación de cidadáns responsables.
  2. Igualdade: Educación específica contra a violencia de xénero.
  3. Mediación Escolar: Formamos ao alumnado para resolver conflitos de forma autónoma e dialogada.
  4. Círculos de diálogo: Utilizamos reunións grupais para previr conflitos, fortalecer os lazos do grupo clase e xestionar as emocións de xeito colectivo.

Iniciativas que nos fan diferentes

  • Punto Laranxa: Un espazo seguro e anónimo para denunciar calquera situación de posible acoso escolar.
  • Club de Xogos: Un espazo de lecer positivo para fomentar a integración, o compañeirismo e o pensamento estratéxico.

 

Un equipo multidisciplinar ao teu servizo

O noso departamento está formado por profesionais especializados que traballan en rede:

  • Psicólogas do centro.
  • Mestra de Audición e Linguaxe (AL).
  • Profesorado de apoio (PT) para alumnos con Necesidades Educativas Especiais.
  • Xefatura de Estudos.

A nosa meta: Que cada alumno/a non só aprenda, senón que desfrute do proceso e se converta nunha persoa socialmente concienciada

 

A NOSA AULA DE AUDICIÓN E LINGUAXE: “ONDE AS PALABRAS CRECEN”

No cole, a aula de (Audición e Linguaxe) non é só un lugar de aprendizaxe; é un espazo cheo de maxia, confianza e sorrisos onde axudamos a que cada alumno/a atope a súa propia voz. É un recurso especializado de apoio á inclusión.

O noso obxectivo principal é potenciar as capacidades comunicativas e lingüísticas do alumnado que presenta dificultades nestas áreas, garantindo que a linguaxe non sexa unha barreira, senón unha ferramenta para a súa aprendizaxe e desenvolvemento social.

A quen vai dirixido?

Atendemos a alumnos/as con necesidades especiíficas de apoio educativo (NEAE).

Sabemos que cada alumno/a ten o seu ritmo de aprendizaxe. Por iso, acompañamos ós alumnos que atopan algunha dificultade no camiño a falar, escoitar ou entender ós demais.

O noso traballo é facer que se sentan seguros para expresarse, xogar coas palabras e comunicarse co mundo.

Que facemos na nosa aula?

Traballamos con moito agarimo en:

  • Trastornos dos sons da fala (TSH) : Aprender a pronunciar mellor para que todos nos enténdan.
  • Trastornos da linguaxe: Ampliar o vocabulario e construír frases bonitas, a comprensión e expresión oral.
  • Mellorar a escóita, para que non se perdan nada do que pasa en clase.
  • Comunicación: Usar xestos ou imaxes (SAAC) cando as palabras aínda se resisten a saír.

Como traballamos?

A nosa intervención baséase nun enfoque dinámico e personalizado, utilizando metodoloxías lúdicas e ferramentas tecnolóxicas actualizadas:

  1. Avaliación e Prevención: Detectamos de forma temperá posibles dificultades nos niveis iniciais (Infantil).
  2. Intervención Individual ou en Pequenos Grupos: Sesións adaptadas ó ritmo e necesidades de cada alumno/a.
  3. Colaboración con Familias: Ofrecemos pautas e estratexias para reforzar a linguaxe na contorna familiar mediante os recursos para xogar en familia na aplicación Moodle, e sempre teredes a porta aberta para charlar con Adela( a nosa mestra de Audición e Linguaxe) sobre as dúbidas e os avances dos vosos fillos.

Para nós, vós sodes a peza crave. A linguaxe nace en casa, cun bico de boas noites ou contando que tal foi o día.

  1. Coordinación Docente: Traballamos de xeito conxunto cos titores e o equipo de orientación para adaptar os materiais da aula ordinaria.

Un espazo para eles

Nosa aula é un lugar tranquilo e divertido. Aquí non hai exames; hai xogos, contos, espellos para facer “acenos” que adestran a lingua, pantalla dixital e tablet con aplicacións divertidas que nos axudan a aprender xogando.

 

“Porque cada palabra conta e cada neno ten algo importante que dicir”